الولد بصفته ولد مستفيد من تمييز المجتمع ليه فمثلاً مهما كان رأيه في المساواة أكيد هيبقى مبسوط من إنه مش مضطر إنه يغسل المواعين حتى لو شايف إن مفيش مبرر إن البنات هي إلي تشيل شغل البيت كله -خصوصاً إنهم ليهم تقريباً نفس المشاغل بتاعت الراجل دلوقتي وإن كانت أقل كماً - 

رغم إن سيطرة الراجل على مراته وتحويلها ل submissive housewife أكيد هيبقى أريح للراجل بس أظن الإنسان الطبيعي عمره ما هيحب كدة - مش علشان المبادئ والقيم والحرية والنسوية-. لكن علشان هو بيحب مراته ومش هيحب إنها تكون مقموعة أو على غير طبيعتها .. أو من منظور أكتر ذاتية هو حب البنت المهتمة بنفسها الي بيستظرف كلامها إلي ليها إهتمامات مشتركة معاه الخ
فأكيد هيضايق من خفوت الصفات -أو شخصية البنت نفسها- دي لحساب الإهتمام الزيادة عن المطلوب بالبيت وبيه

أي شخص محتاج نوع من الشغل عشان يشبع الرغبة في الإنجاز ويحس بأهميته .. الست لما تسيب الشغل وتتفرغ للبيت تماماً مبتقدرش بتفتقد الحاجات دي -غالباً مبيبقاش متاح ليها حتى الخروج مع صحابها أو المشاركة كفاية في أي حاجة إجتماعية تعوضها - فبتبقى متسلطة في البيت وتتحول لست نكدية أكتر عكس المتوقع إنها هتبقى مهتمة أكتر بالبيت وهتريح جوزها أكتر

بس في الحقيقة الموضوع ده ليه مميزات كتيرة للراجل وأريح ليه -وأحياناً كمان بيبقى معاه حق تماماً في طلب تضحيات من مراته - .. وأي حد بيدور على راحته وتلقائياً بيضغط على البنت ويحاول يستريح على حسابها .. البنت لازم تدافع عن شخصيتها بنفسها

عشان كدة في فيلم Before Midnight بعد ما Celine قالت :

"You know what my secret fear is ? With every man? Is that they all want to turn me into a submissive housewife."

لما Jesse رد عليها :

" Okay, no one could EVER do that, all right? I promise, it would be easier to fit your head into a toaster than to turn you into anything submissive. "

دايماً بتخيله بيرد بفخر وإطمئنان مش غضب أو ضيق

في النهاية هو محتاج من حبيبته إنها تدافع عن إستقلاليتها وإلا مكنتش هتفضل البنت إلي هو بيحبها

بمناسبة اليوم العالمي للمرأة يعني :)

Lilja 4-ever

Lilja 4-ever

فيلم عن بنت لسة 16 سنة هتلاقي نفسها لوحدها في الدنيا و مقذوف بها في عالم الدعارة 

لو إتحكالك قصة الفيلم هتفتكره فيلم مبتذل مليان إكليشيهات عن البنت إلي ملهاش حد في الدنيا و "إنت ممكن تاخد جسمي بس عمرك ما تاخد قلبي وروحي " لكن الفرجة على الفيلم هتعيشك في واقع بائس و هتسحلك عياط

الإخراج و التمثيل رائعين بيعيشوك بؤس ليليا في أبسط تفاصيل حياتها .. حتى و هي بتاكل ووهي بتبص من الشباك .. ووهي بتعمل لنفسها كوخ من البطاطين عشان تنام فيه في أوضتها - المشهد بيحيلك لذكرى ليها مع صديق قديم و ملاك حارس جديد -
ليليا زي أي مراهقة كان عندها أحلام الهروب من بلدها إستونيا و السفر لأمريكا أو أي مدينة كبيرة " مفيش حاجة مسلية في البلد دي " .. و لما سافرت للنمسا فضلت محبوسة في أوضة و حتى لقائها برفاهيات الرأسمالية -ماكدونالز- في الفيلم كان مُحزن

الحقيقة الأكثر إثارة للبؤس إن الفيلم مستوحى من قصة حقيقية .. صحيح المخرج لوكاس موديسُن إعترف إنه ما بحثشٍ كتير في قصة Dangoule Rasalaite - البنت الحقيقية - و إعتمد على خياله في معظم التفاصيل بس الأحداث الرئيسية و الأكثر بؤساً حقيقية للأسف. 

Before Midnight

دايماً لما بفكر أكتب عن فيلم بحتار أكتب عن تجربتي مع الفيلم و لا عن الفيلم نفسه بموضوعية بس لما شوفت Before Midnight ده محصلش .. لا "فكرت" إني أكتب عن الفيلم ولا إحتارت في طريقة كتابتي عنه , لكن حسيت برغبة كبيرة في الكتابة -مش مجرد التفكير- عن إحساسي بعد الفيلم و أفكاري وخواطري عن الفيلم .. رغبة أقرب للبوح منها لكلام عن الفيلم 

الفيلم رائع حسيت فيه بحميمية مع سيلين و جيسي لدرجة الضحك بصوت عالي معاهم في قعداتهم مع صحابهم كأني انا قاعد قاعدة عائلية .. يمكن بسبب السيناريو و التمثيل الرائعين لكن كمان بسبب إحساسي إنهم صحاب قدامى من عشرتي معاهم الفيلمين إلي فاتو ..

*من أول هنا هتكلم عن الفيلم و أحرق حاجات فيه *

بصراحة ماقدرتش أمنع نفسي من التعاطف مع سيلين و تفهم غضبها و خوفها على ذاتها المستقلة و أفكارها النسوية يمكن أكتر من خوفها على شغلها وحياتها في باريس .. رغم إن السفر لنيويورك عشان جيسي يقرب من إبنه حتى لو في ده تضحية بشغلها أكتر إنسانية و أقرب لكلامها لما كانت شابة في Before Sunrise لما قعدوا في الممر الضيق و إتكلمت عن حيرتها بين تفضيلها لتحقيقها لذاتها و عمل إنجازات في شغلها و بين الإهتمام بالعلاقات الإنسانية و إن أفضل إنجاز ليها يكون عيلتها والناس إلي بتحبهم و بعدين قالت :

 "You know, I believe if there's any kind of God, it wouldn't be in any of us. Not you, or me...but just this little space in between. If there's any kind of magic in this world, it must be in the attempt of understanding someone, sharing something. I know, it‘s almost impossible to succeed, but .. who cares, really? The answer must be in the attempt. "  

بس لما وقعت في مشكلة قريبة لدي في الواقع مكنش سهل إنها تتصرف بمثالية و هواجسها و مخاوفها - الحقيقية نسبياً - إبتدت تظهر

رغم إن نهاية الفيلم كانت حلوة و مفرحة بس بعد ما قفلت الفيلم بفترة إكتشفت - و قياساً على نهاية Before Sunset - إنها غالباً معناها سفرهم لنيويورك في النهاية و ده زعلني الصراحة .. بس عموماً دلوقتي انا مش زعلان من الإحتمال ده أوي ده غير إننا منقدرش نتأكد غير لما نشوف الفيلم الجاي - إن وجد - و ده في حد ذاته حاجة مفرحة . 

الموت الأحمر

لقد سئمت التظاهر بالجهل ... جميعنا نعرف !
لقد كرهت ذلك الحفل الاجوف ... فلتفعلو ما عليكم فعله سريعا ...لا داعي للتظاهر بفرحة ليست من حقكم ... لا داعي لانتزاع مباركتي مني قسرا ... لا داعي للاحتفال بنصر زائف ... افعلو ما تريدون يا سادة ... لكن لا تزيفو الارادات والمشاعر حفظكم الله !।
انا الموت الاحمر يا سادة

جئت لاسقط الأقنعة التي لا تخدع احد ... جئت لأقطع حفلتكم التنكرية الساذجة ... بصراخي في وجوهكم المغطاة بالاقنعة الغبية ... احبها !
احبها

كيف يمكن ان يكون هذا مؤذي او سيئ؟!
فلتفعل هي ما تريد ...او ما يراد لها ... لن يغير هذا من حبي شيئا
لا تتظاهرو بالدهشة ...كان لم تكونوا تعرفون
لا تظهروا امتعاضكم من وقاحتي ... لم ازد عن قول الحقيقة ... وانتم تعرفون !
لا تخشو يا سادة ... لا املك الا ان اقول ... لن يغير هذا من الامر شيئا

فقط سيجعل حفلكم مرا...سيمنع البهجة عن وجوهكم...وعندما تتظاهرون بالنسيان ... لن تحل البهجة في قلوبكم ... وكان قلوبكم كانت سعيدة حقا من قبل؟!

وساظل انا الحمق الوحيد تعيس الحظ ...الي بيقول كلام عبيط!

اريد تحطيم قدري

انها ليست قصة اكون البطل فيها بل قصة اواجه فيها قدري ان اكون احمق لا احاول تغيير قدري بل تحطيمه وافنائه الى الابد

انها ليست لعبة احاول الفوز فيها بل لعبة احاول تحطيم قواعدها

انها الحياة

العربية .. من احلام الطفولة..حين كان كل شيئ سهلا

ده حلم كنت بحلمه وانا صغير..افتكرته لما كبرت واتعلمت السواقة ....

• المدينة خالية ..

الشوارع لي وحدي.. انا عربية... توحدت مع العربية.. اسير في الشوارع.. بالعربية.. ادخل احدى العماير.. بالعربية.. اصعد السلالم.. ثم اقفز من شباك زجاجي كبير..

• عادة في اخلامي عندما اسقط من البناية..اموت...

لاعود ثانية في احد ارجاء المدينة.. يكون السقوط\الموت خيارا عندمااتزنق.. لكن السقوط صعب.. في تلك الثواني عنما اكون معلق في السماء.. كانني اسقط.. قبل ان اموت لاعود.. ليس الارتطام نفسه ما يؤلمني.. انا لا ارتطم ابدا.. لكنه الخوف من الارتطام!!

• عندما سقطت هذه المرة..

لم اموت.. لم ارتطم.. لاني عربية.. اصطدمت بالزجاج.. لم يكن هناك حطام زجاج.. فقدت عدت لشوارع المدينة الخالية..

• في احد ابشع كوابيسي..

كان هناك ظابط مرور.. نعم .. المدينة خالية.. لكنه كابوس.. ثم ان ..رولز مايد تو بي بروكن كما تعلم.. خاصة في الكوابيس..

• دائما كوابيسي ترتبط بوجود شخص ما..

لو كنت وحدي ووضعتني في الجحيم لما اشتكيت.. فقط عندما يظهر احدهم.. تبدأ المشكلات..

• هو ليس احدهم..

هو ظابط المرور.. وما ادراك ما الظابط ..وان كان مرور... اسير -انا العربية- في الشارع الخالي.. افاجئ باشارة حمراء.. وظابط مرور.. عندها يبدا الكابوس..

• اشعر بذاتي مغايرة للعربية ولاول مرة..

انظر لقدمي.. هناك ثلاث دواسات.. ايهم الفرامل.. اللعنة.. لا ادري انهي واحدة الفرامل.. العربية ما زالت تتحرك.. اقتربت الاشارة.. وهذا الظابط اللعين.. لا استطيع ان اوقف العربية..

• عديت الاشارة الحمراء ! !

• لا استطيع ان اسقط من فوق البناية لاموت واعود..

فاهرب..

• استيقظ هربا مما سيحدث..

ماذا حدث فيما بعد.. لا اعرف.. لكني اعرف يقينا انه افضل بكثير مما حدث لي وانا يقظ.. ليتني ما استيقظت ابدا.. فسواقة العربية في العالم الحقيقي اصعب بكثير.. فليست المدينة لي وحدي!!

ده شعر رومانسي و الكلام ده

بما اني قولت في الحتة الي ماكونتش عارف هتظهر فين واكتشفت انها بتظهر في اول الصفحة اني مش هاكلم عن الرومانسية وكدة...يعني تقدرو تعتبرو ان دي من قوانين المدونة بس زي مابيقولو في فيلم ماتريكس"رولز مايد تو بي بروكين"فانا هاكتب هنا قصيدة نثرية رومانسية عبيطة__________ بسم الله الرحمن الرحيم____________ بحبك...يا جميلة_____________ انتي حلوة اوي/ فيكي حاجات حلوة كتير/ كل حاجة فيكي حلوة/ الحاجات حلوة عشان انتي بتحبيها/ الدنيا بتمطر لو انتي زعلانة/ انا عارف ان دي وسعت مني/ بس بصراحة..انتي حلوة اوي/ ومخك نضيف اوي/وبنت ناس اوي/ كل حاجة فيكي حلوة..اوي/ بحبك اوي اوي اوي/بس كدة